ياطموح(ن) ..في حياتي مستحيل


الغرور ان صادفه..طبع(ن) عنيد
السبب بفراق خل(ن) عن خليل



ياغرام(ن) كااان .. بالماضي جديد
ياطموح(ن) ..في حياتي مستحيل




من غرامي ألك... ماني مستفيد
غير هم(ن) يترك الخافق عليل




كانت الاشواق في شوفك تزيد
(والاماني سيل) والواقع بخيل




من يعيش الحب يطمع بالمزيد
ويتنازل ... لين يرضى بالقليل




غير كونك في سعادة .. ماأريد
اكتفي في ذكر.. ماضينا الجميل




ودام انك ... لاتوادعنا سعيد
خذ وصاتي قبل ساعات الرحيل




لاتصاحب غير .. من قلبه وليد
الوفيّ.. الطيّب.. الشّهم..النبيل



ولاتشاور غير.. من رآيه سديد
ان عطاك الرآي ..دعّم بالدليل



أسال المعبود ... خلاّق العبيد
يسعد ايامك .. ولهمومك يزيل




والله يهنيك بالعمر المديد
وفي جنان الخلد تسقى سلسبيل